Sport metrologiyasi - bu jismoniy tarbiya va sportdagi o‘lchashlar va nazorat bilan shug‘ullanuvchi fan bo‘lib, unda o‘lchash obyekti tirik tizim hisoblanadi. Sport metrologiyasi sportchi holatini, tayyorgarlik darajasini, mashq texnikasini va musobaqa natijalarini tizimli ravishda nazorat qiladi. Uning vazifasi sport faoliyatidagi o‘lchashlarning aniqligi va birligini ta’minlash, majmuaviy nazoratni amalga oshirish va sport mashg‘ulotlarini boshqarish jarayoniga ilmiy asos yaratishdir. Ushbu fanda boshqarish tizimlari, teskari aloqa, sportchi holatining grafik tasviri, sportchining jismoniy holatini va trenirovka yuklamalarini boshqarish asoslari o‘rganiladi.