Xyukkelning aromatiklik qoidasiga javob beradigan nobenzoid aromatik ion va birikmalar ham bor. Siklopropeniliy kationi ikkita π-elektron saqlagan, aromatik xossalarni namoyon qiladigan, oddiy aromatik ion bo‘lib, trifenilsiklopropeniliy bortriftorsianidi. Bu birikma barqaror bo‘lib, birikish va halqaning uzilishi bilan boradigan reaksiyalarga kirishmaydi. Siklopentadiyenil anioni oltita π-elektronli yopiq bulut tutgan aromatik ion bo‘lib, ishqoriy va ishqoriy-yer metallarining tuzlari holida mavjud bo‘ladi.