Ushbu laboratoriya ishida dispers sistemalardagi elektr xossalari, xususan, kolloid zarrachalarning elektr maydonida harakatlanishi (elektroforez), suyuqlikning g’ovak jism orqali elektrod tomon harakatlanishi (elektroosmos), shuningdek, qo‘sh elektr qavat va fazalararo sirtdagi elektr hodisalar o‘rganiladi. Amaliy qismda elektroforez hodisasi kuzatilib, kolloid zarrachalarning zaryad ishorasi va harakatchanligi aniqlanadi. Ish uchun zarur asboblar va kimyoviy reaktivlar ko‘rsatilib, elektroforez orqali zaryadni aniqlash usullari batafsil bayon qilinadi.