Mazkur material metallarning kristallanish jarayoni, qotishmalarning holat diagrammalarini o‘rganishga bag‘ishlangan. Unda qotishmalardagi komponentlar tarkibi, konsentratsiyasi va temperaturasi o‘zgarishiga ko‘ra fazalarning holatlari haqida tushuntirish berilgan. Pb-Sb va Fe-C qotishmalarining holat diagrammalari tuzilishi yoritilgan, ularning termik va strukturaviy xossalari ko‘rib chiqilgan. Qotishmalarning kristallanish haroratlari, fazalar va komponentlar o‘zaro bog‘liqligi hamda po‘lat va cho‘yanlarga taalluqli spesifik fazalar ajratib ko‘rsatilgan.