Misni yer osti kimyoviy va bakterial tanlab eritish usuli – foydali komponentlarni ruda va tog‘ jinslarining joylashgan o‘rinlarida eritmaga o‘tkazib, ularni yer yuzasiga chiqarib qayta ishlash texnologiyasi. Ushbu usul kon-geologik maqbul sharoitlarda kimyoviy yoki bakterial eritmalar yordamida metallarni samarali va rentabelli ajratib olish imkonini beradi. Yer ostida tanlab eritish sxemasi tufayli kapital xarajatlar past, sarf xarajatlar tezda qoplanadi va atrof-muhitga kam zarar yetkaziladi. Bu texnologiya AQSh, MDH va O‘zbekiston Respublikasida keng qo‘llanilmoqda.