Neft mahsulotlarini haydash usuli bilan tozalash, ularning qaynash haroratidagi farqqa asoslangandir. Haydash usulida bir–birida aralashadigan suyuq moddalarni yoki suyuq neft mahsulotlarni qattiq modddalardan (ularning eritmalarida) ajratiladi. Laboratoriyada neftni haydash yo‘li bilan birin-ketin fraksiyalarga ajratib, neft mahsulotlari olinadi. Bu usulni sanoatda tadbiq etib bo‘lmaydi. Bu usul juda unumsiz, ko‘p mablag‘ sarflanadi va uglevodorodlarni molekulyar massasiga mos holda fraksiyalarga aniq ajratib berolmaydi. Odatda neftni to’g’ridan to’g’ri haydash davriy ravishda olib boriladi, ya’ni butun maxsulot bir marta to’liq fraksiyaga ajraladi. Suyuq moddalarni davriy haydash davomida hosil bo’ladigan bug’ moddalar sistemadan doimo haydalib turiladi.