Mazkur o‘quv-uslubiy majmua Namangan davlat universitetining 2023 yil tasdiqlangan muvaqqat fan dasturiga asosan kimyo bakalavr yo‘nalishi uchun Nanokimyo va nanotexnologiya fanidan ishlab chiqilgan. O‘quv majmua nanotizimlarni olish usullari, nanotexnologiyaning asosiy jihatlari, tarixiy rivojlanishi hamda zamonaviy ilmiy va texnologik yutuqlarni o‘z ichiga oladi. Unda atom va molekulalar darajasida boshqariladigan yangi materiallar, ularning xossalari va nanotexnologiyalarni joriy etish asoslari muhokama qilinadi.