9-sinf Kimyo fani darsligi asosida 24-mavzu. Sayyoramiz yuzasining 2/3 qismi suv bilan qoplangan. Inson hayotini suvsiz tasavvur qilish mumkin emas. Kundalik turmushda, ishlab chiqarish jarayonlarining ajralmas qismi bo‘lgan suv ma’lum darajada tozalashdan o‘tkazilishi lozim. Tabiiy suvlar tarkibida magniy va kalsiy xloridlar, sulfatlar, gidrokarbonatlar va boshqa qo‘shimchalar mavjud bo‘ladi. Qattiq suv – tarkibida Ca2+ va Mg2+ ionlari ko‘p bo‘lgan suv. Yumshoq suv – tarkibida Ca2+ va Mg2+ ionlari bo‘lmagan yoki juda kam bo‘lgan suv.