"Ilk qadam" davlat o‘quv dasturi maktabgacha yoshdagi bolalarning rivojlanishi va maktabga tayyorlanishini ta’minlashga qaratilgan me’yoriy-huquqiy hujjat hisoblanadi. Dastur asosida maktabgacha ta’lim tashkilotlarida ta’lim-tarbiya jarayoni rejalashtiriladi, bolalarning sezish qobiliyatlarini rivojlantirish, ijodiy va kommunikativ ko‘nikmalarini shakllantirish uchun maxsus markazlar faoliyati yo‘lga qo‘yiladi. "Ilk qadam" dasturi maktabgacha ta’lim muassasalari uchun davlat talablarining asosiy tayanch hujjati bo‘lib, pedagoglar va ota-onalarni jalb etgan holda ishlab chiqilgan.