Lug‘atni boyitish va faollashtirish bolalarning og‘zaki va yozma nutqini rivojlantirishga xizmat qiladi. Nutqiy faoliyatning asosiy maqsadi so‘zlarning faqat yodda saqlanishi emas, balki ularni to‘g‘ri va maqsadga muvofiq ishlatishdan iborat. So‘z boyligi qanchalik keng bo‘lsa, bolalarning fikrlash doirasi ham shunchalik kengayadi. Yangi texnologiyalar va multimedia vositalaridan foydalanish, audio va video materiallar orqali bolalarning lug‘atini boyitish hamda multfilmlar va audiokitoblardan foydalangan holda so‘z o‘rgatish tavsiya etiladi.