Kimyo fanini samarali o‘qitishga yordam beradigan, o‘quv jihozlari, plakat va jadvallar saqlanadigan hamda kimyo darslari olib boriladigan maxsus xona kimyo xonasi hisoblanadi. Kimyo xonasiga qo‘yiladigan asosiy talablar ilmiy-metodik, xavfsizlik texnikasi va gigiyena talablariga javob berishi zarur. Kimyo xonasi mehnatni ilmiy tashkil qilish, o‘qituvchi va o‘quvchilar sog‘ligini saqlash talablarini qondira olishi lozim. Texnik, texnologik va iqtisodiy talablarga javob berishi kerak.