Ushbu o‘quv materiali maktabgacha ta’lim tashkilotlarida faoliyat ko‘rsatayotgan tarbiyachilarni tayyorlashga mo‘ljallangan bo‘lib, maktabgacha ta’lim pedagogikasi fanining nazariy va amaliy masalalarini yoritadi. Material ta’lim oluvchilarda bola va tarbiyachining hamkorlik faoliyati, ta’lim-tarbiya qonuniyatlari, davlat talablari hamda zamonaviy pedagogik texnologiyalarni o‘rgatish maqsadida ishlab chiqilgan. Fanni o‘rganish jarayonida kasbiy bilim va ko‘nikmalar shakllantiriladi hamda tarbiyachilarning pedagogik faoliyatga tayyorgarligi oshiriladi.