Ushbu mahsulot maktabgacha ta’lim tashkilotlarida tasviriy faoliyatning o‘quv dasturidagi o‘rni va ahamiyatini yoritadi. "Ilk qadam" davlat dasturi asosida bolalarni estetik, jismoniy, ruhiy rivojlanishini ta’minlash, ijodiy qobiliyatlarini oshirishga qaratilgan. Dasturda rasm chizish, loy ishlari, qurish-yasash kabi mashg‘ulotlar orqali bolalarning badiiy didi va motorikasi rivojlantiriladi. Shuningdek, yo‘nalish pedagogik va milliy madaniy merosga asoslangan, maktabgacha yoshdagi bolalarning qobiliyatlarini, san’atga bo‘lgan qiziqishlarini shakllantirishga qaratilgan.