Ushbu tadqiqot maktabgacha yoshdagi bolalarning STEAM (Fan, Texnologiya, Muhandislik, San'at va Matematika) ta'limi va mental arifmetika usullaridan foydalangan holda matematik rivojlanishini o‘rganadi. STEAM metodologiyasi bolalarning mantiqiy fikrlash, muammoni hal qilish va ijodkorlik ko‘nikmalarini rivojlantirishga yordam beradi. Mental arifmetika esa bolalarda raqamlar bilan tez va samarali og‘zaki hisoblash ko‘nikmalarini shakllantirishga qaratilgan. Tadqiqot jarayonida amaliy mashg‘ulotlar, o‘yinlar va interaktiv faoliyatlar orqali matematik ko‘nikmalar rivojlantiriladi. Shu bilan birga, mental arifmetika aqliy hisob-kitoblarni rivojlantirish va miyani muvozanatli rivojlantirishga ko‘maklashadi. Bu metodika bolalarning diqqatini jamlash, tasavvur qilish, mantiqiy va analitik fikrlash qobiliyatlarini oshirishga xizmat qiladi.