Ushbu metodika umumta’lim maktablarining 8-9 sinf o‘quvchilarida aksonometrik proektsiya va texnik rasm bajarish malakalarini shakllantirishni maqsad qilgan. Unda chizmachilik kursining tuzilishi, mazmuni, o‘quvchilarga grafik ta’lim berish jarayoni, o‘quvchilarni texnik chizmalar bilan tanishtirish, ularni chizish va o‘qish ko‘nikmalarini rivojlantirish metodikasi yoritilgan. Metodika texnik rasm va grafik asoslarni chuqur o‘rganish, o‘quvchilarning fazoviy tasavvurini rivojlantirish hamda muhandislik grafikasi fanlariga qiziqishini oshirishga qaratilgan. Materialda amaliy va nazariy jihatlar birlashtirilgan, maksimal samaradorlik uchun o‘quvchilar individual xususiyatlari hisobga olinadi.