Ushbu mahsulot maktabgacha yoshdagi bolalarda ijodkorlikni rivojlantirishga qaratilgan qo‘g‘irchoq teatri faoliyatining jarayoni, metodlari va tartiblarini o‘z ichiga oladi. Unda teatr tomoshalari orqali bolalarning nutq va jismoniy rivojlanishining uzviyligi ta’kidlanib, ota-onalar bilan hamkorlikda qo‘g‘irchoq teatrini tashkil qilish imkoniyatlari bayon etiladi. Shuningdek, badiiy asar turlaridan (ertak, hikoya, she’r, maqol, topishmoq) foydalanish orqali bolalarning til va nutqini rivojlantirish hamda tarbiyaviy ahamiyatlari ko‘rsatilib, mazkur asarlarning maktabgacha yosh bolalar uchun o‘qitish va tushuntirish metodikalari beriladi.