Moliya iqtisodiy kategoriya sifatida pul resurslarini hosil etish, taqsimlash va ishlatish sohasidagi iqtisodiy munosabatlarni o‘z ichiga oladi. U milliy daromadni taqsimlash va qayta taqsimlash natijasida yuzaga keladigan markazlashgan va markazlashmagan pul fondlarini yaratish va ulardan foydalanish jarayonlarini o‘rganadi. Moliyaviy munosabatlar davlat va jamiyatning iqtisodiy subyektlari o‘rtasidagi moliya resurslariga oid o‘zaro aloqalarni ifodalaydi.