Mazkur ishda mustaqil O‘zbekiston Respublikasi va Rossiya Federatsiyasi o‘rtasidagi iqtisodiy aloqalar va hamkorlikning tarixiy bosqichlari tahlil qilinadi. Ishda ikki davlat o‘rtasidagi strategik sherikchilik, do‘stlik va ittifoqchilik munosabatlari, savdo-iqtisodiy hamkorlik yo‘nalishlari hamda madaniy-ma’rifiy aloqalar haqida keng materiallar asosida ilmiy tahlil berilgan. Shuningdek, O‘zbekistonning mustaqillik yillarida ichki siyosati, tashqi siyosatga yondashuvi, Islom Karimovning Rossiya bilan hamkorlikdagi roli va ushbu munosabatlarning mamlakat taraqqiyotidagi ahamiyati ko‘rsatib o‘tilgan.