Qoralardıń ishine qatara qara úyler tigiledi. Qıs ayları awıl adamları usı qara úylerdiń ishinde ómir keshiredi. Qıstıń qattı ayazlı keshlerinde qara úydiń ortasındaǵı oshaqqa ot jaǵıladı. Ayazda tońǵan balalar ottıń shoǵına ısınadı. Qattı ayaz kúnleri balalar kúni menen sol oshaqtıń dógereginde boladı. Tún bolǵanda úy ishiniń hámmesi kórpege tıǵıladı... Anası azanǵı pisirgen sútiniń qaspaǵın qırıp, sherek gúlsheniń betine jaǵıp qoyadı. Onı ornınan turǵan balasına beredi. Birazdan keyin sáskelik jarma pisedi. Balalar sáskelik jarmanı ishkennen keyin biraz jılıǵanday boladı. Ata-babalarımızdıń quwanısh hám qayǵısına sherik bolǵan bul qara úyler házirgi dáwirde de óz qádirin joǵaltqan joq. (94 sóz). Qallı Ayımbetov.