Fanning maqsadi va vazifalari kutubxonachilik sohasida axborotlarni to‘plash, bibliografik ishlov berish, katalog va kartotekalar bilan ishlash, bibliografik qo‘llanmalar tuzish va tavsiyanomalarni shakllantirishga yo‘naltirilgan. O‘quv dasturi talabalarni axborot kutubxona muassasalari oldida turgan vazifalar bilan tanishtiradi, bibliografiya sohasidagi nazariy va amaliy bilimlarni egallashni ta’minlaydi. Fanni o‘qitishda zamonaviy pedagogik va axborot texnologiyalari qo‘llanilib, mustaqil ish, testlar, seminarlar va baxs-munozaralar tashkil etiladi. Fanni o‘rganish uchun zarur materiallar, jihozlar, o‘quv-metodik vositalar bilan ta’minot ko‘zda tutilgan.