Bolalarni rasmga qarab hikoya tuzishga o‘rgatish ularning og‘zaki va yozma nutqini rivojlantirish, tasavvurini kengaytirish hamda ijodiy tafakkurini shakllantirishning samarali usullaridan biridir. Ushbu metod bolalar nutqining mantiqiyligi, ravonligi va ifodaliligini oshirish, mustaqil fikrlash qobiliyatini rivojlantirishga yordam beradi. Rasmdan hikoya tuzish orqali bolalar voqealar orasidagi bog‘liqlikni tushunishga, ketma-ketlikda bayon qilishga va emotsional jihatdan fikrlarini ifodalashga o‘rganadilar. Taklif etilgan yondashuvlar bolalar yoshiga mos rasmlarni tanlash, ijodiy muhit yaratish va multimedia vositalaridan foydalanishni o‘z ichiga oladi.