Ushbu mahsulot dinamik afaziya bilan og‘rigan bemorlarning nutqiy buzilishlarini bartaraf etish uchun ishlab chiqilgan keng qamrovli korreksion-pedagogik ish usullari va metodikalar to‘plamini tashkil etadi. Unda bemorlar uchun turli mashqlar – predmetlarni tasniflash, so‘zlar va gaplar tuzish, tashqi tayanchlardan foydalanish, seriyali rasmlar bilan nutqni rivojlantirish, shuningdek nutq faolligini oshirish uchun nutqiy vaziyatlarni yaratish haqida tavsiyalar beriladi. Shu bilan birga, insultdan keyingi davr uchun individual va guruh mashg‘ulotlarini rejalashtirish tartibi, logoped bilan hamkorlik, mashg‘ulot davomiyligi va tanaffuslar nazarda tutilgan. Mahsulot korreksion-pedagogik ishda yondashuvlarni bemorning holatiga moslab individual tarzda o‘zgartirishlarni amalga oshirish uchun yo‘riqnoma sifatida xizmat qiladi.