O‘zbekistonda alohida ta’lim ehtiyojlari bo‘lgan bolalarga ta’lim-tarbiya berish tizimini takomillashtirish uchun 2020-2025-yillarda amalga oshiriladigan inklyuziv ta’limni rivojlantirish konsepsiyasi hamda unga muvofiq har yili tasdiqlanadigan “Yo‘l xaritasi”. Konsepsiya normativ baza, malakali pedagog kadrlar tayyorlash, maxsus uskunalar, shuningdek individual o‘quv dasturlarini joriy etishni, ta’lim jarayonida yordamchi pedagoglar va tyutorlardan foydalanishni, ixtisoslashtirilgan ta’lim muassasalarining faoliyatini tashkil etishni ko‘zda tutadi. Shuningdek, psixologik-pedagogik qo‘llab-quvvatlash va ilmiy tadqiqotlar olib borish vazifalari mavjud. Ta’lim sifatini oshirish va bolalar uchun ijtimoiy muhitni yaxshilash maqsadida inklyuziv ta’limning bosqichma-bosqich joriy etilishi, kasbga o‘qitish kurslari tashkil etilishi, xodimlarga maosh ustamalarining belgilanishi ta’minlanadi.