Ushbu bitiruv malakaviy ishda inklyuziv ta’lim tizimida matematik fanini o‘qitish masalalari o‘rganiladi. Ishda inklyuziv sinflarda o‘quvchilarning matematik bilish qobiliyatlarini shakllantirish va rivojlantirish, shuningdek matematik tushunchalar bo‘yicha o‘quv materiallarini moslashtirish metodikalari ko‘rib chiqiladi. Inklyuziv ta’limning nazariy asoslari, zamonaviy ta’lim tizimidagi o‘rni, ijtimoiy va psixologik ahamiyati batafsil tahlil qilinib, O‘zbekistonda inklyuziv ta’limni rivojlantirish yo‘nalishidagi amaliy choralar taqdim etiladi. Maxsus ehtiyojli bolalar uchun teng va sifatli ta’lim olish imkonini yaratish hamda ularni jamiyatga integratsiya qilish asosiy maqsad qilingan.