Ushbu taqdimot inklyuziv ta’limning huquqiy va me’yoriy asoslarini, jahon tajribasi va xalqaro hujjatlarni, maxsus yordamga muhtoj bolalarning ta’lim olish huquqlari hamda maxsus va umumta’lim muassasalari o‘rtasidagi farqlarni yoritadi. Unda inklyuziv ta’lim siyosati, maxsus ehtiyojli bolalarning huquqlari, BMT va YUNESKO tashkilotlari tomonidan qabul qilingan xalqaro deklaratsiyalar va konvensiyalar asosida inklyuziv ta’limni rivojlantirish tamoyillari tushuntirilgan. Shuningdek, ta’limda ajratib qo‘yish illatiga qarshi kurash, ijtimoiy moslashtirish va umumta’lim muassasalarida maxsus yordamga muhtoj bolalar uchun imkoniyatlar yaratish davlat siyosati nuqtai nazaridan ko‘rib chiqilgan.