Jaranglatish defektlari bolalarning nutqida jarangli va jarangsiz tovushlarning noto‘g‘ri talaffuzi yoki ularning almashtirilishi bilan bog‘liq nutq buzilishlari bo‘lib, bu muammo bolalarning muloqot qobiliyatiga, ijtimoiy va psixologik rivojlanishiga salbiy ta’sir ko‘rsatadi. Kurs ishida jaranglatish defektlarining sabablari, pedagogik va logopedik yondashuvlar, nutq terapiyasi hamda psixologik qo‘llab-quvvatlash metodlari ko‘rib chiqiladi. Shuningdek, ota-onalar va o‘qituvchilarning roli, jaranglatish defektlarini erta aniqlash va bartaraf etish choralariga e’tibor qaratiladi. Kompleks yondashuv orqali bolalarning nutqini rivojlantirish, ijtimoiy integratsiyasini ta’minlashga yordam berish maqsad qilingan.