Ushbu tadqiqot ishida madaniyat markazlarining vujudga kelishi, aholining bo‘sh vaqtini mazmunli o‘tkazishda madaniyat markazlarining roli, havaskorlik jamoalarining faoliyati va yoshlarni ma’naviy tarbiyalashdagi o‘rni o‘rganilgan. Tadqiqot nazariy asoslar, amaliy tahlil va madaniyat markazlaridagi ijodiy jamoalar faoliyatining shakllarini aniqlashga qaratilgan. Shuningdek, madaniyat markazlarining tashkil etilishi, faoliyat yuritishi, yoshlarning ijtimoiy madaniy faoliyatga jalb qilinishi, hamda ma’naviy-estetik rivojlanishi uchun zarur shart-sharoitlar muhokama qilingan.