Ushbu ilmiy maqola maktabgacha ta’lim tashkilotlarida sayrlarni tashkil qilish, bolalarni tabiat bilan tanishtirish va tabiat hodisalarini kuzatishning metodik asoslari haqida ma’lumot beradi. Sayrlar davomida bolalar tabiatdagi jonsiz va jonli obyektlar, o‘simliklar va hayvonlar bilan tanishtiriladi, ularning yosh xususiyatlariga mos ravishda ilmiy tushunchalar shakllantiriladi. Shuningdek, sayrlar orqali kuzatish, amaliy ishlar va o‘yinlar yordamida bolalarda sezgi tajribasi va ekologik madaniyat rivojlantiriladi.