So‘nggi yillarda axborot texnologiyalarining rivojlanishi ta'lim tizimiga sezilarli ta'sir ko‘rsatdi. Ayniqsa, pandemiya davrida masofaviy ta'limning ahamiyati oshib, bu jarayonning muhim bir qismi sifatida mobil qurilmalardan foydalanish keng tarqaldi. Mobil qurilmalar (smartfonlar, planshetlar) ta'lim jarayonini yanada qulay va samarali qilishga imkon beradi. Mobil qurilmalar yordamida ta'lim resurslari o‘quvchilarga tez yetkaziladi. Talabalar istalgan joyda va istalgan vaqtda dars materiallarini o‘rganishlari mumkin. Bu, ayniqsa, uzoq hududlarda yashovchi o‘quvchilar uchun juda qulay. Mobil ilovalar yordamida interaktiv darslar, testlar va topshiriqlarni taqdim etish mumkin.