Mazkur fan dasturi 5111100 – Musiqa ta’limi yo‘nalishi talabalari uchun mo‘ljallangan bo‘lib, unda bo‘lg‘usi musiqa madaniyati o‘qituvchilari egallashi zarur bo‘lgan bilim, malaka va ko‘nikmalar belgilangan. Dastur ta’lim sohasidagi islohotlar, zamonaviy o‘qituvchiga qo‘yilayotgan talablar va madaniy hamda musiqiy merosga yangicha yondashuvlarni hisobga olib tuzilgan. Fanning maqsadi musiqa ta’limi talabalarini amaliy faoliyatga tayyorlash, metodika va didaktik ko‘nikmalarni shakllantirish, maktab musiqa repertuarini o‘zlashtirish va musiqiy-pedagogik kompetensiyalarni rivojlantirishdir.