O’zbekiston boshlang’ich ta’lim tizimida o’quvchilarga bilim berish, ularning ilmiy dunyoqarashini shakllantirish va mustaqil fikrlash tarzini tarkib toptirish asosiy vazifalar hisoblanadi. Bunda bilim tushunchasi insoniyat erishgan jamiki ilmiy, amaliy va texnologik yutuqlarni o’quvchilarning yoshi, jismoniy va ruhiy imkoniyatlari doirasida o’zlashtirishini anglatadi. SHuningdek, islom dinida ham bilim masalasi Iymon tushunchasining negizini tashkil qiladi va Qur’oni Karimning ham birinchi oyati “Iqra’”, ya’ni o’qi, bilim ol va uni tarqatuvchisi bo’l degan mazmunda nozil bo’lgan.