Paxta – ko‘p qirrali qishloq xo‘jalik mahsuloti bo‘lib, uch turdagi mahsulot beradi: to‘qimachilik uchun tola, oziq-ovqat uchun moy va chorva uchun kunjara va sheluxa. 1 tonna paxta xom ashyosidan o‘rtacha 320-340 kg tola, 560-580 kg chigit olinadi. Toladan gazmol, ip, kiyim-kechak, tekstil va texnik buyumlar ishlab chiqariladi. Chigitdan paxta moyi olinib, oziq-ovqat va texnik maqsadlarda foydalaniladi, qolgan qoldiqlar esa sanoatda turli mahsulotlar tayyorlashda qo‘llanadi. Paxta tolasi tabiiy, yuqori sifatli va universal xom-ashyo sifatida qadrlanadi. G‘o‘zadan olingan mahsulotlar sanoatda, qishloq xo‘jaligida va boshqa tarmoqlarda keng qo‘llaniladi. Paxta o‘simligi issiq sharoitlarni talab qiladi va suv, oziq moddalarga ehtiyoj sezadi.