Ushbu mavzuda pedagogik texnologiya tushunchasi va uning shakllanishidagi tarixiy davriylik, pedagogik texnologiya tushunchasiga nazariy yondashuvlar, pedagogik texnologiyaning qonuniyatlari, tamoyillari va turlari o'quv maqsadlarini texnologik loyihalash haqida tushuncha beriladi. Pedagogik texnologiya tushunchasi va uning mohiyati XXI asr globallashuv, axborot-kommunikatsiya texnologiyalari va internet asri, ilg'or pedagogik texnologiyalar hamda barcha sohalarda raqobat asri hisoblanadi. XXI asrdagi shiddatli ijtimoiy-iqtisodiy, fan-texnika taraqqiyoti ta`lim tizimini shaklan va mazmunan modernizatsiya qilishni taqozo etdi. Ta`limtarbiya jarayoni samaradorligini oshirishning muhim omili sifatida zamonaviy pedagogik texnologiya hamda axborot-kommunikatsiya teknologiyalaridan unumli foydalanishga ehtiyoj paydo bo'ldi.