Zamanagóybilimlendiriw sistemasında matematika pánin oqitiw úlken áhmiyetke iye. Ásirese, baslawısh klasslardan baslap matematikaǵa qánigelestirilgen klasslardı shólkemlestiriw oqıwshılardıń intellektual rawajlanıwına sezilerli tásir kórsetedi. Búgingi kúnde matematika tek teoriyalıq pán sıpatında emes, al ámeliyatqa baǵdarlanǵan áhmiyetli baǵdarlardan biri sıpatında qaralmaqta. Sol sebepli, baslawısh klasslarda matematikanı tereńlestirip oqıtıw usılları, innovaciyalıq qatnaslar hám nátiyjeli metodlardı islep shıǵıw áhmiyetli másele bolıp esaplanadı. Matematika pánine bolǵan talap zamanagóy texnologiyalardıń rawajlanıwı menen artıp barmaqta. Baslawısh bilim beriw basqıshında-aq oqıwshılarǵa tereń matematikalıq bilim beriw keleshektegi ilimiy hám ámeliy jumıs ushın áhmiyetli tiykar jaratadı.