Ushbu metodika sinfdan va maktabdan tashqari tarbiyaviy ishlarning mazmuni, tashkil etilishi va boshqarilishi bo‘yicha yo‘riqnoma vazifasini bajaradi. Ishda ta’lim-tarbiya jarayonida sinfdan tashqari ishlarning ahamiyati, ularni muvaffaqiyatli tashkil etish mezonlari, maktabda tarbiyaviy ishlarni rejalashtirish, tashkil etish, rahbarlik qilish va o‘quvchilarning ma’naviy-axloqiy kamoloti uchun xizmat qiluvchi yo‘nalishlar bayon etilgan. Shuningdek, yurtimiz madaniy-milliy qadriyatlarini yosh avlodga singdirish masalalari ham ko‘rib chiqiladi.