Tabiiy fanlarni o‘rganishning komponentlari bo‘lgan bilim, ko‘nikma va yondashuvlar orasidagi bog‘lanishlar va farqlarni aniqlash. Kutilayotgan natijalar: mazkur mavzuni o‘rganish natijasida o‘qituvchilar bilim, ko‘nikma va yondashuvlar turlari va ular orasidagi farqlarni bilib oladilar. O‘quvchilarda kontent bilimlar bilan birgalikda ko‘nikmalarni shakllantirishning ahamiyati To‘g‘risida ma’lumotlarga ega bo‘ladilar. Tezlik bilan rivojlanib borayotgan hozirgi dunyoda o‘qituvchi ma’lumotlarni orqasidan “quvib yetishi” mushkul vazifaga aylanib ulgurdi. Shu boisdan o‘qituvchilar “bilim beruvchi” vazifasidan “yo‘naltiruvchi” vazifasiga o‘tishi talab etilmoqda. Bizning o‘quvchilarimiz kelajakda hozir hali mavjud bo‘lmagan kasblarda ishlashiga To‘g‘ri kelishi mumkin.