Jahonda uzluksiz ta’lim tizimining barcha bosqichlarida ta’lim oluvchilarning ijodiy fikrlash ko‘nikmalarini shakllantirish, o‘z-o‘ziga ishonchni tarkib toptirish, fikr yuritishdagi mustaqillik va o‘z imkoniyatlarini ro‘yobga chiqarish qobiliyatini rivojlantirishga katta ahamiyat qaratilmoqda. Ayniqsa, boshlang‘ich sinf o‘quvchilarida ijodiy fikrlash ko’nikmalarini shakllantirishga yo‘naltirilgan ta’lim muhiti barqarorligini ta’minlash, aralash ta’lim (blender learning) tamoyili asosida ta’lim oluvchilarning mustaqil fikrlash qobiliyati ni rivojlantirish, o’qitishning samarali usullarini ishlab chiqish muhim dolzarblik kasb etadi. Mazkur jarayonda shaxsiy faoliyat tajribasiga asoslangan tarbiya texnologiyalaridan samarali foydalanish hamda o’qituvchilarning kasbiy-pedagogik madaniyati darajasi muhim o’rin tutadi.