Tarix fanining dolzarb muammolarini hal etishda, bugungi kun talablaridan kelib chiqqan holda, o‘quvchilarda shakllantiriladigan tayanch bilimlarni kundalik turmush tarzi va tevarak atrofda yuz berayotgan voqea-hodisalar bilan uyg‘unlikda olib borish zarur. O‘qitish metodlari maktabning faqat ta’limiy emas, balki tarbiyaviy maqsadlariga erishishda muhim vositadir. Ishonarli hikoya, isbotlovchi suhbat, o‘quv munozaralari o‘quvchilarda yuksak axloq, milliy mafkurani tarkib toptirishga muhim hissa qo‘shadi.