Mahsulot alaliya nutq kamchiligiga ega bo‘lgan bolalarning mayda va artikulyatsion motorikasi hamda umumiy motorikasi ustida ishlashga qaratilgan. Unda qo‘l barmoqlari nozik harakatlarini rivojlantirish uchun turli o‘yin va mashqlar tavsiflangan. Nutqning rivojlanishiga barmoqlarning nozik harakatlari ta'siri bilan bog‘liq ilmiy asoslar berilgan, shuningdek, bolalarda nutq va motorika rivojlanishi o‘rtasidagi bog‘liqlik ko‘rsatib o‘tilgan. Maktabgacha ta‘limda nutqi buzilgan bolalar uchun logoped va tarbiyachilar tomonidan qo‘l barmoqlari motorikasini shakllantirishga urg‘u berish tavsiya etiladi. Mashqlar faoliyatni oshirish, nutq ritmini o‘rgatish va psixik jarayonlarni qo‘llab-quvvatlashga mo‘ljallangan.