Bilish nima? Bilish insonning tabiat, jamiiyat va o'zining to'g'risida bilimlar hosil qilishga qaratilgan aqliy, ma'naviy faoliyat turidir. Inson o'zini qurshab turgan atrof-muhit to'g'risida bilim va tasavvurga ega bo'lmay turib, faoliyatning biron-bir turi bilan muvaffaqiyatli shug'ullanish uchun qodir bo'lmaydi. Bilishning mahsuli, natijasi ilm bo'lib, har qanday kasb-korni egallash faqat ilm orqali ro'y beradi. Shuningdek, bilish inson uchun xos bo'lgan ma'naviy ehtiyoj, hayotiy zaruriyatdir.