Bolalar psixologiyasi mustaqil fan sifatida bolaning tug'ilgan paytidan boshlab voyaga yetguncha bo'lgan davridagi psixik taraqqiyotni o'rganadi. Bundan tashqari, bolalar psixologiyasi muayyan yoshdagi bolalarga xos umumiy psixologik xususiyatlarnigina emas, balki har bir bolaning shaxsiga xos bo'lgan individual xususiyatlarni ham o'rganadi. Shuning uchun maktabdagi ta'lim-tarbiya ishlari asoslanadigan fanlar orasida bolalar psixologiyasi alohida o'rinda turadi.