Inson hayoti davomida juda ko‘plab moddalar almashinuvi mahsulotlari hosil bo‘ladi. Bu mahsulotlar hujayralar tomonidan foydalanilmaydi va albatta tashqariga chiqarib yuborilishi kerak. Bundan tashqari organizm turli zararli moddalardan, yot moddalardan ortiqcha suv va tuzlardan xalos bo‘lishi kerak. Inson chiqaruv jarayonlarida buyraklar o‘pka teri hazm tizimi jigarlar ishtirok etadi. Chiqaruv a‘zolarining asosiy vazifasi organizm ichki muhiti doimiyligini saqlashdan iborat. Chiqaruv a‘zolari bir-biri bilan uzviy bog‘liq bo‘lib birining faoliyati buzilishi boshqasini faoliyatiga ta‘sir etadi.