Эътиқод инсон маънавий дунёсини акс эттирувчи тушунча бўлиб, уни ўраб турган хилма-хил воқелик ҳодиса ва воқеалари тўғрисидаги ишонч, туйғу ва тасаввурлари, уларга нисбатан муносабат тамойиллари йиғиндисини англатади. Эътиқод ўзининг мазмун моҳиятига кўра турлича бўлади. Хусусан илмий эътиқод, диний эътиқод, сиёсий эътиқод кабилар шулар жумласидандир. Дин эса эътиқод шакллари орасида ўзига хос моҳиятга эга бўлиб, кишиларнинг индивидуал ва ижтимоий онгида муҳим ўрин эгаллаган.