Zigmund Freyd nevroz kasalliklarini o’rganish orqali oddiy psixiatrdan jamiyat va madaniyat psixoanalitigi darajasiga ko’tarilgan buyuk olimdir. Uning ilmiy izlanishlari natijasi sifatida jamiyat va individ taraqqiyotining psixoseksual nazariyasi yuzaga keldi. Freyd o’z dunyoqarashi taraqqiyotida murakkab va ziddyyatli yo’lni bosib o’tdi. Psixiatriyadagi birinchi ma’ruzalarida u XX asr tabiiy-ilmiy materializmi qoidalariga amal qildi, lekin psixoanalizning yaratuvchisi sifatida Shopengauyer, Nisshe va boshqalarning idealistik-irrasionalistik “hayot falsafasi” tomon burildi. Bu ta’limotlar ta’sirida individning instinktiv-fiziologik mayllariga xos bo’lgan, inson xulqi uchun asosiy ahamiyat kasb etuvchi “psixik energiya” haqidagi tasavvurlar shakllandi.