Гуманистик психология — ХХ асрнинг 60-йилларида АҚШда бихевиоризм ва психоанализнинг ҳукмронлигига қарши пайдо бўлган замонавий психология йўналиши. У инсоннинг энг юқори қадриятлари, ўзини ўзи англаши, ижодкорлик, муҳаббат, масъулият, мухторият ва шахслараро мулоқот каби тушунчаларни таҳлил қилади. Гуманистик терапия инсоннинг дилдаги ва руҳий муаммоларини ҳал қилишга, қийин қарорлар қабул қилишга, депрессиядан халос бўлишга ёрдам беради. Бу йўналиш фалсафий асоси сифатида экзистенциализмга таянади ва барча жараёнлар инсонга нисбатан инсондек муносабатда бўлишни назарда тутади.