Hissiyotlarni vujudga kelishi MAT ning ixtisoslashgan (emotsogen) tuzilmalarini faollashishiga bog‘liq. Bu tuzilmalardan ayrimlarining qо‘zg‘alishi ijobiy hissiyotlarni paydo qiladi va organizm ularni saqlab qolish, kuchaytirish va takrorlashga harakat qiladi. Boshqa xil tuzilmalarning qо‘zg‘alishi esa manfiy hissiyotlarni paydo qiladi va organizm ularni yo’qotishga intiladi. Hissiy holat limbik tizim tuzilmalarini shartsiz va shartli qо‘zg‘atgichlar tomonidan faollashtirishi oqibatida paydo bо‘ladi. Shuning uchun ham, hissiyotlar shartsiz va shartli holat xarakteriga ega bо‘lishi mumkin. Hissiyotlarning biologik roli shundan iboratki, ular yuzaga kelgan paytda OAF tezda o’z faolligining optimal darajasiga o’tib oladi.