Nutqida kamchiligi bo‘lgan bolalarning shaxsiy rivojlanishi, hissiy holati va ijtimoiy aloqalariga nutq buzilishlarining ta’siri o‘rganilgan. Nutq kamchiliklari, jumladan artikulyatsiya, ovoz va til muammolari, bolalarning o‘z fikrlarini ifoda etishida qiyinchiliklarga sabab bo‘ladi, bu esa ularning o‘ziga bo‘lgan ishonchini pasaytiradi va ijtimoiy moslashuvga salbiy ta’sir ko‘rsatadi. Ishda nutq kamchiliklarining turlari, ularning psixologik va pedagogik asoslari, shuningdek, nutq kamchiligi bo‘lgan bolalar bilan ishlash yo‘llari batafsil yoritilgan. Tavsiya etilgan usullar orasida logopediya, psixologik yordam va oilaviy ijtimoiy qo‘llab-quvvatlash mavjud.