Ona tili va o‘qish savodxonligi darslarida ta’limiy o‘yinlardan foydalanish metodikasi insonning o‘yin faoliyati orqali shaxsning o‘zini namoyon qilishi, kommunikativ madaniyatga ega bo‘lishi va ijtimoiy normalarni egallashi hamda qiyinchiliklarni yengishga ko‘maklashishini ta’kidlaydi. O‘yin ijtimoiy tajribalarni o‘zlashtirish va qayta yaratish vositasi sifatida qaraladi, unda o‘yin ishtirokchilari jamoaviy muloqot madaniyatini rivojlantiradi. O‘yin bosqichlari tashkiliy bosqich, o‘yin jarayoni va yakuniy bahs-munozaralar ko‘rinishida tashkil etiladi.