Metod yunoncha so`zdan olingan bo`lib tabiat hodisalarini tekshirish usuli degan ma`noni anglatadi. Psixodiagnostik metod – psixologiya fanining tadqiqot usulidir. Psixodiagnostik metod psixologiya fanining eksprimental va eksprimental bo`lmagan an`anaviy tadqiqot metodlarga nisbatan o`ziga xoslikka ega. Psixodiagnostik metodlarning asosiy xususiyati shundan iboratki, o`rganilayotgan hodisaning miqdoriy baholash imkoniyatining mavjudligi tufayli o`lchash – sinashga yo`naltirilgandir. Empirik metodlarni qo`llashning 5 ta darajasini ajratish mumkin: Metodika darajasi; Metodik qo`llanma darajasi; Metod darajasi; Tekshirishni tashkil qilish darajasi; Metodologik tekshirish darajasi.