Psixik salomatlik masalasi ko’rilayotganda uni baholash mezonlari o’ta muhimdir, ya’ni, bu – ruhiy salomatlik qachon ko’ngildagiday bo’ladi, degan masala. Albatta, bu eng murakkab savollardan biri. Shaxs taraqqiyotidagi aksariyat nuqson, qusurlar, kamchilik va muammolar uning ijtimoiy muhit bilan bo’ladigan munosabatlardagi buzilishlar, og’ishlarga bog’liq bo’ladiki, u odamning tashqi muhitga moslashuvi qiyin kechishi yoki ziddiyatlarning ortib borayotganligida ko’rinadi.